1 / 7
Ул балалары өсөн хәстәрлекле атай, тыуғандары-яҡындары, дуҫтары өсөн терәк-таяныс, эшендә тырыш хеҙмәткәр. Йыһанша Рамаҙан улы тәбиғәтте ярата, шуға күрәлер ҙә үҙенең һөнәрен урман хужалығына бәйләй. Уның ултыртҡан ағастарының иҫәп-хисабы юҡ. Уның хеҙмәте бик күп маҡтау ҡағыҙҙары, почёт грамоталары менән баһаланды. Минең иптәшем балта оҫтаһы ла. Өй-йыһаздарын күберәк үҙ ҡулдары менән булдыра.
"Таҙа Талҡаҫ" акцияһы иғлан ителгәс тә, беҙ ғаиләбеҙ менән шул акцияға ихлас ҡушылдыҡ. Талҡаҫ күле янында ҡарағай үҫентеләре ултыртыуҙа, күл тирәләй таҙартыуҙа ҡатнаштыҡ. Ирәндек тауынан Талҡаҫ күленә ағып тошкән шишмәләрҙең сыҡҡан урынын кәртәләп, алты ҡоҙоҡ эшләнеләр. Был эштәрҙең башланғысында РФ Дәүләт Думаһы депутаты Зариф Байғусҡаров тора. Уның тәбиғәтте яратыуы, тирә-яҡ мөхиткә һаҡсыл ҡарашы изге күңелле булыуы, кешеләрҙе туплап, әйҙүкләп алып йөрөуе ныҡ ҡыуандыра. Шундай кешеләр күберәк булһа ине. Артабан да Зариф Зәкир улына уңыштар, ныҡлы һаулыҡ теләйбеҙ. Зиганша Маликов Зариф Байгускаров
